Mi Juan. O reloxo.
O reloxo.
Nubes grises que
tornan escuras. Nunca a vida da miña avoa foi como un despexado día solleiro.
O traballo diario nunha
casa, a atención aos animais, o coidado dos irmáns menores. Todo o peso da
responsabilidade, as decisións e as atencións, en todo isto, que espazo podía
ocupar o afecto e o agarimo a un neno? Como podía un cativo lograr o sorriso dun
pozo de tristeza?
Os dous contaban
como aprendeu o meu pai os números. Ao parecer, mentres a miña avoa muxía as
vacas, o meu pai repetía os números, as regras aritméticas. Compartían os
labores. Era o seu vínculo.
O seu agarimo
repartíase entre o traballo diario, como un labor máis.
Pero ao Juan neno
esperábanlle muros aínda máis pedrogosos e altos. O meu pai afirmaba que sentía
moitas miradas por encima do seu ombreiro. Os seus tíos eran homes rudos,
formados na norma social. Juan era un fillo de solteira, nunha pequena
parroquía, onde os temas de conversación non abundan e a honra familiar un
valor moral e social.
Por iso os irmáns da
súa nai considerábanse responsables directos e educaban ao neno. Á súa maneira.
Todos os días.
-Labazada que se
perdía atopábaá eu, afirmaba meu paí.
- Por qué?
- Non facía preguntas
e así non me losqueaban máis.
Varias prohibicións
marcaban a vida cotiá de Juan. NON podía tocar a bicicleta, a radio, o reloxo
dos seus tíos, baixo pena de castigos tremendamente dolorosos.
E probounos. Sen
desobedecer norma algunha.
Contaba a miña avoa
esta historia con rabia no seu corazón, compañeira da súa vida durante sombríos
anos. O declarante, fiscal, xuíz instrutor e verdugo da sentenza dolorosa foi o
que posteriormente se convertería no meu Padriño de bautismo: Manuel Bonome
Pena. Home alto, rudo, malhablado, caprichoso e violento.
A malleira causada
foi por, segundo Manuel, estragar o seu reloxo de peto.
De pouco serviron as
frases de defensa que Juan gritaba entre lapotes e saloucos, os golpes seguían
caendo ata que Manuel cansouse porque lle doía a man.
Quizais o máis
doloroso non fose o castigo físico; aos poucos días descubriuse que o reloxo
foi estragado por outro primo de Juan, Antonio, primoxénito de José Antonio, o
irmán maior da familia, o que arrastrou
o reloxo polo chan e xogou con el ata que se aburriu.
Non houbo ningunha
frase de desculpa, ou de queixume, perdón por parte de Manuel. Nunca. Anos
despoís escoitei verbas ferintes saíndo da boca de este home contra todos os
membros da miña familia, avóa, pai, miña irmán, miña nai. Odio continuo na sua
bocaza.
Hai cousas que
desbasten máis que un golpe.
Comentarios