Mi Juan. Razóns poderosas
Razóns poderosas
A miña avoa Carmen
tiña razóns moi poderosas para odiar o golpe de estado militar contra a
república. Ese odio mostrábase en aspectos de rexeitamento a calquera cousa que
lle lembrase un conflito militar, películas, cancións, debuxos, etc. era común
cando dun xeito manseliño se negaba a ver calquera película que tivese como
parte do seu argumento, escenario, algunha guerra, ou historias de drama
relacionadas coa guerra.
Cando ela sentía a
contragusto con algunha noticia, ou si escoitaba na radio, ou vía no Parte, a opinión do algún político
radical, entón botaba un conto sobre a amizade; tiña varios, pero o meu
preferido é sobre a relación entre o párroco de Callobre e un veciño "rojo".
Era como unha fábula, remataba en ensinanza.
Parece ser que
despois das votacións en España, durante a IIª República, cando gañaron as
esquerdas, parte animada dos veciños de Callobre, decidiron que había que
celebrar esa histórica vitoria, e de maneira moi escandalosa ,queimando imaxes
de santos, virxes e igrexas.
O recio sacerdote
defendeu coa súa palabra o lugar de Deus e enfrontouse aos aguerridos veciños.
Era un home respectado, xusto e honesto, por iso non se queimou a igrexa de San
Xoán de Callobre.
Pero si se queimou a
ermida do lugar de Vigo, e parte das imaxes, aínda que non todas, algunhas
foron salvadas polos parroquianos.
Uns deses destemidos homes, movido polas necesidades dunha vida con menos fame e dor, encarouse co sacerdote e dixólle que as suas mans portaran o lume que esnaquizou as tallas que recibían os cartos dun pobo asoballado.
O sacerdote calou e mirou para o desastre, dandollé as costas i acudindo con pena a Ermida.
Maís, despois á
élite ecónomica e militar provocará unha loita fraticida. E aqueles que
disfrutaron coa victoria da esquerda política tiveron que agocharse xa que
milicias populares buscaban vinganzas, no nome da lei.
Contaban as línguas
que unha noite un ruído despertou ó crego. Sen nengún temor baixou do piso da
reitoría e atopou un home espantadizo agochado. Era o pirómano da Ermida de Vigo.
Fora, voces berrando
coma bestas o nome do refuxiado e de todos aqueles que votaran as esquerdas.
As mesmas máns que
axudaban a mallar o trigo, agora portaban armas para matalo e botar ó seu corpo
no maís profundo do esquencemento.
Sen mediar palabra,
de súpeto o réxio cura votou a man as cortinas para mirar o que acontecía fora,
mentras cun sinal avisou que non dixera nada o feligrés.
Dende a fiestra
contemplou luces que moviánse de xeito contínuo, voces alporizadas que berraban palabras de morte.
Era o odio.
Co ventre cheo de azos, o crego saliu da casa e foi cara a barbarie, comenzando a reducir as enerxías dos alporizados homes das aldeas veciñas. Dou indicacións de que deixaran de buscar e foran para as suas casas a coidar das suas mulleres e familias. Mañán sería outro día caluroso.
Así foi.
O humilde crego atendeu o feligrés durante varios meses, mentras todos na parroquía pensaban que fuxira cara os cercanos montes de Monfero, ese foi o rumor que o sacerdote e a familia espallaron pola veciñanza.
Maís dun ano despois o home voltou a sua casa, cos seus.
Dende esa, era o home maís participativo nos actos que organizaba o crego na parroquía.
"A guerra esnaquiza vidas", sentenciaba a miña avoa.
Cada día que pasa
convénzome ao meu mesmo da verdade das túas palabras.
Onte dedíqueme
durante unha boa parte da mañá a organizar as cartas que tes do avó Juan e do
seu compañeiro Manuel Sánchez.
O certificado do seu
falecemento e un pequeno libro con anotacións
dos nacementos da familia Bonome Pena.
Ao dedicarme a este
actividade, o meu estado de ánimo fluctúa bastante, como un pequeno pesqueiro
subo e bailo ao son das ondas e das miñas emocións e sentimentos.
Tento ler,
lentamente, as pequenas cartas, co fin de recompor este crebacabezas que mostre
a forma de chegar ata os últimos días do meu avó Juan.
O que descubro é o
camiño tortuoso dunha vida truncada, o sufrimento padecido cando non tocaba;
eran tempos de ilusión, de afecto compartido, non de loito ou pranto. As cartas
trouxeron primeiro esperanza. E despois morte. Silencio eterno.
Vexo bágoas caendo unha
e outra vez ao ler as liñas escuras sobre o branco papel. É só a parte do meu
avó. Desapareceron as cartas escritas pola miña avoa. Que serán delas?
Tamén sinto a súa
determinación. Si, ela continuará o seu labor, vivirá por e para os demais,
coidando ao seu fillo, á súa nora; aos seus netos. Posteriormente ás familias
que os seus netos formen. Ela será coidadora, ama de cría, asistenta,
cociñeira, planchadora, costurera, cociñeira, compartirá todo o propio con nós,
non rexeita ningunha faena.
O espertar dos
recordos que estou a facer ó ler estas páxinas trae tempos de temor, de
angustia e medo ao futuro.
Tempos de odio.
Comentarios